尋晚去咗睇《壞蛋掌門人3》，本來唔係好想去睇嘅，因為第二集有啲悶，甚至可以叫做唔係幾好睇。但係俾面啲黃色人仔就入咗塲啦。
我睇嘅係2D英文版，我真係未試過、好耐未試過睇一套戲由頭笑到落尾，好得意好可愛好天真。個編劇今次好聰明啦，佢都留意到第二集犀利哥變咗好人之後唔好睇，於是佢今次加返個好得意嘅孿生兄弟俾佢，同埋小黃人並唔出得多，但係都好好笑。其他劇情唔講啦，費事你話我劇透王。不過真係好好笑。
講真呢啲戲，我寧願睇英文版原汁原味，因為睇啲表情都知佢大概講緊乜，好過D人夾硬配啲中文對白上去。
#何嘉麗callmegaga #何嘉麗 #壞蛋掌門人3 #Minions #小黃人 #由頭笑到落尾 #你睇完覺得唔好笑唔好鬧我我係真心覺得好好笑 #冇彩蛋字幕一出可以走人
Search